Klettaborgin okkar átti afmæli síðastliðinn mánudag þann 11. október.
Við gerðum okkur auðvitað glaðan dag í tilefni þess.
Á krakkafundi komu börnin með sínar hugmyndir fyrir daginn og var hægt að verða við flestum þeirra óskum.
Þau vildu skreyta með blöðrum og hafa blöðruball í salnum, setja upp fánann og auðvitað var ósk um afmælisköku. Thelma tók vel í óskina um að baka köku fyrir okkur og við snæddum hana hress og kát í síðdegishressingunni ;)
Steinunn fékk góða aðstoð með fánann frá duglegum hjálparleiðtogum.
Líf og fjör á blöðruballi.
Í útiverunni sungum við afmælissönginn fyrir Klettaborgina og gáfum henni gott afmælishópknús ;)
Blær kom tilbaka til okkar úr sumarfríi og fagnaði afmælinu með okkur.
Sum börnin voru búin að búa sér til kórónur í tilefni dagsins.
Fallegur og góður afmælisdagur.
Til hamingju með daginn kæra Klettaborg